بعد إنقطاعي عن الساحه لفتره وصلتني رساله من أستاذي (ملك الحرف-عويد الشهراني)بأسلوب راقي برقي شاعرنا فكانت هذه الكلمات ...وياعويد
((((يا عويد...فيه الغواني تعطرن بالعووود))))
ياعويد
* يا عويد العيد مَر وعَيَّد ....فيه الغواني تعـــــطرن بالــــعود
*وأنا هموم الليل فيني تقَييد...وقالوا مابين الناس ذا محسود
وش فايدة آخذ وأنا متردد
...وكل الفرص صارن أمامي سود
طعنة غدر والسهم صوبي تسدد
...وشفت الحلم يدفن وهو مولود
وشلون يصبح فكرنا متجدد
...وإحنا نحارب طيبنا بجحود
والبعض يحفرلي وهو يتودد
...والبعض من أجلي يعد جنود
وياعويد
*و يا عويد العيد مَر وعَيَّد ...فيه الغواني تعــــطرن بالـــــعود
*وأنا هموم الليل فيني تقَييد...وقالوا مابين الناس ذا محسود
وجيتك بشعري للجروح أعدد
...والدمع مني سال فوق خدود
نوحي عميق والصدى يتردد
...وهمي كبير والأمل مفقود
ضيعت صبحي والظلام تمدد
...والدرب صاير مقفرن مسدود
متى عن عيوني العمى يتبدد
...وأشوف نور الله بي موقود
وياعويد
* يا عويد العيد مَر وعَيَّد ...فيه الغواني تعطرن بالعود
*وأنا هموم الليل فيني تقَييد...وقالوا مابين الناس ذا محسود
رد الشاعر القدير (((عويد الشهراني)))
(((يالسوسنه)))
يالسوسنه
يالسوسنه بعد الكلام الجيّد...اللي من الدر النقي منضود
اقول صح السانك اللي حيّد...عن الردى ومقارب المنقود
لكن ترى المحسود يبقى سيّد... لو الهموم اتقيّده بقيود
يامرحبا يالسوسنه ما ردد
....طير السعد في عاليات العود
يامرحبابك والغلا متجدد
....مادنّ في المزنه رزيم رعود
لولا غبون العاطفه ما ندد
....جرح الظمير اللي وراه اسدود
يالسوسنه بعد الكلام الجيّد...اللي من الدر النقي منضود
اقول صح السانك اللي حيّد...عن الردى ومقارب المنقود
لكن ترى المحسود يبقى سيّد...لو الهموم اتقيّده بقيود
ولو مانت من ظيم الزمان مهدد
....ماشفت صدقك في الشعر موجود
ولو مالعرب تبغى العنب وتحدد
....ماشفت كلن وده العنقود
ولو ماجنابك من ذوات السؤدد
....ماشفت مثلك فارقن في الخود
يالسوسنه
ويالسوسنه بعد الكلام الجيّد...اللي من الدر النقي منضود
اقول صح السانك اللي حيّد...عن الردى ومقارب المنقود
لكن ترى المحسود يبقى سيّد...لو الهموم اتقيّده بقيود
ليست هناك تعليقات:
إرسال تعليق