قصيدة أف

 

أف خلوني أقول          
          لو أبي أنشد نشيده!
لا أبي أذهل عقول          
          ولا أبي نشر بجريده
كثروا حولي القفول           
          وأمسكوا لجلي حديده
صار قراع الطبول           
          ينقدوني في القصيده!
مصخره بعض الفصول          
          وعيبهم قالوا عنيده
صار نجمي للأفول          
          دام إيدي مو فإيده!
الشرف اغلا وقول          
          قول عني اللي تريده
لا أبي منك قبول          
          ولا أبي حلوى وعصيده
يا أخي خلي الفضول          
          وخل دمك في وريده
وخلني وحرفي الخجول          
          قبل لايحمى صعيده
دامني مهرة خيول          
          يا أخي ماهي جديده
ودامني بنت الأصول          
          ما أنا ظبي وطريده
شوف ذي آخر حلول          
          شوفلك غيري تصيده