قصيدة الزيزفونه

كلمات إرتجاليه لأختي الزيزفونه من باب الدعابه

مدخل:

البنت تفخر لاتساوت برجال
...............وأنا أفخر إني أختها الزيزفونه
رفيعة عن كل نازل ومحتال
.....................ومكانها عندي أجل تعرفونه
لها ما بين الضلع والضلع موال
.....................ولها حروفي بالغلا يعزفونه
/
/
/
/
/
/
/
/

نواره يالي في الحلا بنت بصره
....................لاتعاتبيني فالغزل زان فاله
الزيزفونه يالغلا مثل مهره
.....................كل الحلا مابين نحره وشاله
دام الغزل مابين فله وزهره
.....................يجوز إن النحل يرشف زلاله
وما كل واحد في الهوى رام أسره
...................قلبي خلي والعند زود جماله
وما كل واحد صار يابنت كسره
..................بعض البشر يبقون عندي حثاله
وفلان في قلبي ومكتوم سره
...................أخاف أفشي السر وأفقد دلاله
حرفه بحرف الهاء هاني بقصره
......................ولا بحرف الجيم ضيع جلاله
ولا بحرف السين عدله وجوره
....................ما عاد اميز دام إني حلاله
ولا بحرف الخاء مخطي بهجره
...................يعدني في الحب أصغر عياله
ما عددت قبلي بنيه وعمره
.....................لي واحدٍ حط بربوعي رحاله
أدوووخ لو يطري على البال مره
................ويبدى معي دور الدلع والهباله
أخاف يجهلني وانا صرت فكره
...................وأخاف يعرفني وكلي ظمى له
نواره من ذكره على الخد عبره
.......................أنوح ليلي لو قطع إتصاله
قلبي ترى من يوم روح بقبره
.....................أعيش في موتي وأرسم خياله
تكفين لو هي مرت بخرم إبره
..................أكبر على قلبي من اكبر جباله
يعني يجوز أموت من بعد غمره
..................ويمكن بعد أحيى وأنا في نزاله
خصمي وهو أكبر معادي لحرفه
...................وحلفي وأنا أكبر عدوه لقاله
ونواره يا أجمل نجم بالمجره
.....................ماتضبط القهوه بلا حب هاله
وهذا مزاجي دامني بنت حره
..................أحيى العقل كله وأحيى خباله
طفله وحياتي بين لعب ومسره
...................وفي صفوف الدرس ضمن الكساله
لو تجلسي جنبي يازين حضره
.......................يمكن ألاقي آه حل لسؤاله
وختامها دام المغازل بشقره
.....................يا من يعاتبها على راس ماله
تشع منها الشمس من تحت غره
.......................ويعدها الصياد أصعب مناله
يلتف منه الورد من حول خصره
.........................مهضومةٍ ما كنها إلا غزاله
وخلي العتب مقبول خيره وشره
.......................موشوم في خدي كما حب خاله
/
/
/
/
/
/
/
/
/
/

مخرج:

تبغي تقابلني وانا بنت رجال
...................وأبغي أقابلها وهي كل كلي
ياااارب من توصل على راسها عقال
......................تجي وتطلبني كلي من اهلي
وإذا إهي بنتٍ على راسها شال
..................يارب أخوها يصير ياناس بعلي