قصيدة شفت السفر

(((لــــندن)))

شفت السفر يكسر ظهور الرجاجيل
          
          وشلون ما يكسر ضلوعي وانا بنت؟!
إرجالهم حلويين والعين زرقا
          
          ويلبسون الجنز وع الصدر تي شيرت!!
شفت الوسامه في أبو خصله شقرا
          
          بس غير حبي الأبدوي ما تخيلت!!
طعم الكبتشينو روعه برغوه
          
          بس بغير قهوة ديرتي ما تلذذت!!
شفت الصبايا والسكارف صار موضه
          
          بس عن عباتي وشيلتي ما تخليت!!
بدر و علي راشد محمد وعبده
          
          أسماء عزوه وش أسوي أنا ببيرت!!
ريحة بخور عمان فاق الفرنسي
          
          ومشمومها راحه للنفس لا ضقت!!!
نسنس هوى لندن والتكس كشخه
          
          بس عن هوى مطرح والله ماتبت!!
دمي أنا عماني وأصلي وفصلي
          
          معذوره في بعدها لو إني تخبلت!!