قصيدة خدش الحيا

قصيدة خدش الحيا

جرح العيون بصورة الزيف والزور
          
          وتمثيل مله الكل حتى الممثلّ!
نبقى عرب طيبين نبحث عن النور
          
          ياحضرة الأجنبي آمر تدلل
هو هكذا الواحد إن بغى يصير مشهور
          
          طلق ثلاث الحيا وهاتوا الُمُحلل
هو لا صبر لحظه لجل يصبر شهور
          
          نصفه خيال(ن) طار ووهمه المُُكملّ
ياخوي لا تغرك موستنج وقصور
          
          لا تبيع دينك بذا فكر تمهلّ
يا بنت إصحي كل شي ترده إنذور
          
          إلا الحيا لو راح رااااح وتسهلّ
شيطان وهم الحسن يا بنت معذور
          
          لو إنه دخل خلسه لقلبك تسلل
لأنك فتحتي الباب والكلب مسعور
          
          كيف يالفريسه ما تبي الصعب يسهلّ؟؟!
يا بنت وين الحيا يابنت مقهور
          
          قلمي وهو يكتب طاااح وتشلل
يا فاتنه صارت كما العبد مأمور
          
          مخرج يبكيها وثاني يمييلّ
إلى متى تمشيين بطريق مهجور
          
          أم تحسبين الدين لفعلك يحلل؟؟
من يحفظك يابنت سكران مخمور
          
          ولا نذل زنديق بصفعه يولولّ
ما ظنتي يا مها هالحال مستور
          
          صرخت قتلني الهم هل حد يسألّ؟
أمي خفيفة عقل وأبوي مسحور
          
          والشيخ همه الأكل وحظي تكسَّلّ
خدش الحيا ماني الذي فيه مسرور
          
          روحي إسألي أهلي من هو يعلل!