قصيدة حزات حبوتي

قصيدة جمعت فيها الكثير من المفردات القديمه من اللهجه لأرسم صوره للماضي الذي سمعنا عنه .....راقت للكثيرين ...وكانت من باب حبي للمغامره

(((حزااااااااااااات حبوتي)))
 

طفل(ن)... ربى يلعب مع صغار حله

          

          حلن وسوه... وهو محجوز لنوره!!!!
.......
وحبوه تنده وفي اليد دله

          

          تبغي تسويله مع الشيخ حوره!!!!

.......
تقول غاب الفواد وأريد أحله

          

          من نذر خلص لي من القلب زوره!!!!

.......
وصغار كسروا للحوش نله

          

          وتركض وراهم.... تلشخهم بزوره!!!!

.......
وجاهل زقر حبوه من وسط شله

          

          إحكي لنا الحزاه والشور شوره!!!

.......
لأنه حفيد العز ومحد حصله

          

          هالمرتبه والنور في البيت نوره!!!!!

.......
في قبضته برميت وفراخ مزر مله

          

          وربعه أتوا بلمبج يمصوا بذوره!!!!

.......
فرصاد نبق بيذام..... والخير كله

          

          والهمبى كلوا منه حتتى قشوره!!!!

.......
وبدت حزات حبوه عن مال مله

          

          ملك ورمى كنزه فسابع بحوره!!!!!

.......
والساحره يومن كلت حجب نخله

          

          وعن بابا درياه أبو عين عوره!!!!!

.......
وأبو شريع والسيف سله

          

          يذبح عيال صغار لو سوا هوره!!!!!
.......
وعن فارسن باحث للغز حله

          

          وشجرتن مانمت فتراب قوره!!!!!!

.......
سافر حسن يدرس والبعد شله

          

          من وسط أحبابه وباعد جذوره!!!!

.......
ولما رجع ومر البيت اللي يدله

          

          لقى الزمن دهدم جداره وسوره!!!!!

.......
وذكر حزات حبوه وحلات لمه

          

          والشيطنه والركض من خلف كوره!!!!
.......
والمرجحانه بحبل ع أغصان روله

          

          ومن حرك التيله؟!ومن الفله دوره؟؟!

.......
ودعوات أخته عسى عله تعله

          

          وكم عصبت حبوه وقرت عالراس سوره!!!

.......
يس قول الله وكل حاسد ربي يذله

          

          هذا الحفيد الزين راعوا شعوره!!!

.......
رجع لأرضن كبرت فيه ظله

          

          وصيرته رجال...... صوتن وصوره!!!!!