قصيدة طفل الثلاثين

 

صحى هالصبح في خدوده وقَبلْ جبهته وأشرق
          
          على شِفة طفل عمره ثلاثين(ن)بعد شهرين
غدى له الزهر انفاسه وغدى له هالهوى زورق
          
          وأقبَل له يزفني عمر حتى صار له عمرين
وأدري م الفرح كفه بدمع الحب يغرورق
          
          وبسمة شفتي ترسم على حلمه شذى تشرين
صباح السوسن الأحمر وأشيائي وثوب أزرق
          
          صباح الشاي والسكر وريحة عطرك النسرين
حبيبي كل ما اناظر عيونك بالعشق اغرق
          
          ولا أدري إيش آخرها مسافه بين هالنهرين

حبيبي والفرح اكبر وغصن الحب يتورق

          

          ومرجيحة هواي ترف بي وأطير لي شبرين

وألمس في الغيوم البرد ونسمه جات تترقرق
          
          تلاطف شعري وتمزج بلوحة هالبهى نورين
حبيبي والصبح ادفى من إننا فيه نتفرق
          
          تعال إشعل ضلوعي وصل دامه اهون الشرين