قصيدة ياشاعر المليون

ربما لابد لي أن أشارك قريبا في شاعر المليون ليراني !!!!

قصيدة دعابه لا أكثر
/
/
/
/
/
/

ياشاعر المليون ماريد مليون        
          مليونكم ما جابت اللي أريده!
ويا شاعر المليون ملعون ملعون        
          الشاعر اللي ما نشر في الجريده!
ويا شاعر المليون بالهون بالهون        
          ما جيت إلا والهدف بس أصيده
من يوم خاصمني وأنا فيه مفتون        
          زاد الوله في خافقي مع وريده
وياشاعر المليون تكفون تكفون        
          حطوا بجنب إسمي كلمة(وحيده)
يمكن يحن شوي وأصير مزيون        
          ويرجع لوصلي شوي وأضم إيده
إي والذي سوى بناني أبي العون        
          بثوا بشاشتكم قصايد فريده
وأنا ترى أعلنتها بفكر مجنون        
          بغيَّر أسلوبي وقولوا عنيده
ياكم بعده ينحدر دمع العيون        
          ويا كم بعده خط حرفي قصيده
وختامها يابث ممنون ممنون        
          والله على حالات عشقي الجديده!

للسوسنه