-بيني وبين ملك الحرف عويد الشهراني

الصوت

((مبروك تدشين موقع عذبة الكلمه))

مبروك تدشين موقع عذبة الكلمه=اللي لها بصمة في الشعر مرموقه

بنت اليماني نزيه العرض والذمه=مآثره في الادب والشعر موثوقه

صرح مكانه سما في عالي القمه=مادامت السوسنه ترعاه وتسوقه

بالشعر والفن والاخلاص والهمه=الطيب ساسه وجزل الهرج منطوقه

عدٍ قراحٍ مزاج المسك في جمه=مايارده غير حرٍ يشلع اسبوقه

للشاعر الجزل عويد الشهراني ملك الحرف

الصدى

((اللي لقاله فراري لازم يسوقه))

أقول قَّرب وخلي تنجلي الغمه=واللي لقاله فراري لازم ايسوقه

أحلا المزايا يابو مشاري بكم ذمه=وكل ملتحي يالغلا مردود لعروقه

والدار دارك وصدرك يالغلا لمه=وانت المعزب وكف الخير وابرقه

لك منزلٍ فاق منزل خالها وعمه=والشعر هذا لسوسن ماهو ابوقه

والقاف منك يجي كم أشتهي ضمه=والفكر منك عسل في رقته وذوقه

والسموحه ع القصووور

السوسنه