قصيدة والصبر عدى حدوده

والصبر عدى حدوده والثواني ف حتضار....          

          وأنته صاير للمصايب والرجا بحر وسفينه
مابقى لك ماي وجهك والمشاعر بإختصار....          

          تجهل الصدمه وتكرر وين بلقى لي معينه
كيف فبركها عدوي وصرح وشد الحصار....          

          مادريت إني بيوم بصبح البنت اللعينه
كيف أمنت لآفاعي وكيف مدي في إنحصار.....          

          ياااا إله الكون لطفك العدو جهز كمينه
ما هجيت إني ألاقي في غصوني إنكسار....          

          وما حسبت إحساب ناس من نطق تبغي تدينه
إهيه مقيوله زمااان وذي ضريبة الإشتهار....          

          وصاحب الفتنه الأناني ليتني ما شفت عينه
إن قرينا سورة الكوثر جهار في النهار.....          

          إدعى أني منافق وحرك أحقاده الدفينه

وإن سكتنا صاح مجدك المزور في إندثار....          

          كيف أغير حاسدي وأبدل أفكاره المشينه
يا إلهي يا إلهي شي يشبه الإنتحار....          

          كلمة الحق العزيزه أصبحت كلمه هجينه
واللذي سوى بناني وشب في صدري فنار.....          

          ما قصدت بيوم أجرح شخص غالي أو أهينه
القلوب البيض تنبض وما تخلف أي دمار....          

          يا عسى الأفراح ترجع ويحترق قلب الضغينه