قصيدة دام ماني حلالك

 

 

 

أستغفر الله دام ماني حلالك
**************قد شفت شخصي ينوصف في حروفك!
وأصيح له سبعين ربي جلالك
*********************ورحمتك توسع فخذني بروفك
وياليت يالــ....... تخبر خوالك
*******************وأقاربك وإن جيت أَكرمْ ضيوفك
ولاتلومني بالشعر يقسى مقالك
********************وتبين اللي كاتمه وسط جوفك
ونحلها ودّي ونفهم خيالك
**********************وإن كان وافقنا فعلي دفوفك
والمشكله شاعر وهذا مجالك
*******************والمعضله قلبي مقدر ظروفك
والخوف يآتي ابن عمي قبالك
*******************ويحّل ذبحك قبل تذبح خروفك
ويقول يُمنع ثم يَمنع وصالك
*********************وبنت عمي تنذبح لو تشوفك
يعني تواليها تورث جزالك
*********************ويخلد التاريخ جملة وصوفك
وماكان درب الحُب في يوم سالك
*********************إما تلاه الخسف يلحق كسوفك
خلنا على خوه وأنا أختك فحالك
*******************وأسلك دروب الدانيه من قطوفك
ورسخ كلامي دام ردي حكى لك
********************راسخ كما رسخ الجبل في كتوفك
معزتك تبقى على قلب شالك
***********************أخوتن وإحساس يعجز يعوفك
وإختامها ياشاعر زان فالك
**********************والرد واضح ياعسى مايطوفك
وصلاة ربي ع النبي عد مالك
**********************وعد مالي من حقوق بكشوفك

لسوسنه إسماعيل